M e s u d H a r a y

Mesud Haray-In Özel Websitesi

M e s u d H a r a y

Mesud Haray-In Özel Websitesi

چاغریش ۱ (آزربایجان اوشاق قورولتایی)

 

آزربایجان اوشاق قورولتایی

 

 

 

موضوع­لار:

-        آذربایجان­دا بوگون­کو اوشاق ادبییاتی

-        آذربایجان­دا اوشاق ادبییاتی­نین گله­جه­یی

-        آذربایجان فولکولوروندا اوشاغین یئری

-        اوشاق حاقلاری

-        اوشاق، کیملیک و آنادیلی

-        اوشاق، پئسوکولوژی باخیمیندان

-        آذربایجان اوشاق­لاری و یابانجی دیل­لر

-        مدرن آذربایجان­لی اوشاق

 

 

چاغ: آبان­آیی 1385

یئر: تبریز بیلیم­یوردو

آذربایجان تانیتیم اوجاغی، آذربایجان اوشاق کیتابی ائوی و" قاریشقا" قوروپو

 

اؤز یازیلارینیزی اوچ دیلده(تورکجه، انگیلیز­جه و فارسجا) خلاصه­سیله بیریئرده آبان آیینین 10  قدر،  بوایمیل آدرئسینه

 

Ushaq_qurultayi@yahoo.com

 

یا دا بو آدرسه: تبریز- 29 بهمن خیاوانی- تبریز بیلیم یوردو- کولتور مودورلویو- آذربایجان تانیتیم اوجاغی

گؤنده­رینیز

یازارلار اوچون یئر و یئمک  ایمکاناتی نظرده آلینیب

پاهو؟!---نجف بی وزیر---کؤچؤرن : مسعود هارای

پاهو؟!

نجف بی وزیر

کؤچؤرن : مسعود هارای

 

 - کربلایی، همیشه سن گله سن! بویور، بویور، آ کیشی، گؤره ک نه وار، نه یوخ، آی کربلایی؟ آی اوغلان، گؤرونور کی، رمضان اولماغینا گؤره سفره چیخمیشسان؟ - خئیر، به ی، سنین باشین اوچون هئچ بیلمره م کی، بو آی رمضان ایدی و یا رمضانین نئچه سیدیر. آنجاق آروادین قورخوسوندان ائوده اوتورا بیلمه ییب قاچمیشام. - بری باخ، آی کربلایی، من اؤلوم بو گونلرده هئچ اوغورلوغا گئدیبسن می؟ - آ به ی، سنین باشین اوچون نئچه واختدان بری هئچ بیر شئی اوغورلایا بیلمه میشم، چونکو بو تزه ناچالنیک گلندن بری الیمیز-آیاغیمیز کسیلیبدیر، بیر پارچا اته حسرت قالمیشیق. - سؤیله گؤروم، آی کربلایی، نئجه دولانیرسیز و روزیگارینیز نئجه کئچیر؟ - نه دئییم، آی به ی، فه له یین چارخی دؤنسون. بیر زامان وار ایدی، قیلینجیمین دالی دا کسیردی، قاباغی دا. آمما ایندی لاپ معطل قالمیشام، هئچ بیلمیره م نه ائله ییرم. آدیما آغا دئییرلر، آمما اؤزوم بیر دانا قووا بیلمیره م... الیمده بیر صنعتیم ده یوخدور کی، اونون ایله معیشت ائده بیلیم. واخت بئله تهرسیز اولوب کی، ال ترپتمک مومکون دئییلدیر. یئنه عؤمرو اوزون اولسون کئچن ناچالنیکین، هئچ اولماسا خیرمان دؤیمکده ن اؤترو بیر نئچه اؤکوز الیمه دوشموشدو. منیم بختیمده ن، علف اولماماغینا گؤره ، اونلار دا گؤتوروم دوشدولر. اونا گؤره جومله سین کسیب یئدیم. ایندی قالمیشام ناچار. -آی کربلایی، او دول عؤورتین اؤکوزونو قایتاردین می؟ هانسی کی، یایلاقدان یوکو دالیندا و الی قوینوندا بیچاره عؤورت آغلایا-آغلایا آرانا قاییتدی. - آی به ی، سنین باشین اوچون همن گؤتوروم دوشن اؤکوزلرین بیری همن عؤوره تین مالی ایدی. - آی کربلایی، نه ظالیم آدام سانمیش، مه یه ر او بیچاره دول عؤوره ته یازیغین گلمه دی؟ - آی به ی، بو زاماندا اوغورلوق ائله مه یه نلر بیر پارچا ال سیز-آیاقسیز آداملاردیر. ایه ر اوغورلوق اولماسا ایدی، من اؤزوم ده گؤتوروم دوشردیم. نه ائله ییم، اوغورلوق ائله مه ین ال-آیاق آلتیندا. قالیر، هئچ کس اونا محل قویمور و سالام داهی وئرمیرلر. او گونلرده سوددا بیزیم سلیم آغانین بیر ایشینه باخیردیلار. ائرمنی دن، مسلماندان شاهید چاغیرمیشدیلار. دئدیم کی، ها، ها. بارماغیمی دیکه لتدیم.جمله سی آند ایچیب سلیم آغانین طرفینه گؤستردیلر. ایندی آی باشووا دؤنوم، اوغورلوق اولماسایدی، منیم سؤزومه کیم قولاق آساردی؟ آی به ی، سن منیم دردیمی آرتیردین، دوروم گئدیم، مالیم ایتیب، مال آدینا گؤروم هئچ اولماسا بیر اوزونقولاق الیمه دوشرمی؟ - گئت! بالام! کربلایی، مؤولا سنه قنیم اولسون!*/

 

نجف به ی وزیروو. اثرلری،باکی: علم، 1977.- س. 326-334