M e s u d H a r a y

Mesud Haray-In Özel Websitesi

M e s u d H a r a y

Mesud Haray-In Özel Websitesi

آذربایجان چاغداش دوشونجه سینین سسی سیته سینده (Yeni ses)

 

Yeni Ses 

http://www.yenises.org/?p=1130#more-1130                                                   

تورپاقدان باش چیخاران گئرچک

 

گئرچک دیر بو،

  بو سئودا بیتمزدیر.

و سنین دالغالانان قارا ساچلارین

           اؤزو قارالیغیمیزی بیتیرمزدیر.

 

تورپاقدان باش چیخاران گئرچک

بو سئودا باشقا آنلامدا

                    اوره ک - اوره ک تورپاقدیر.

بو توپراقدا بیتن لر

        دالبادال بیز قویلادیغیمیزلاری

                 دیشاری چیخارداجاقلار.

اوتاندیریجیدیر،

          گولونجدور

گئرچکدن آغلامالی

 

سنسیزلیگیمه گل

 

سنلیگیم،

سنسیزلیگیم قدر آجییرسا بئله

      قوطو - قوطو جیغارا

             جییه ریمه سوموراجاغیمدان

                     بیر گئجه آی ایشیغیندا،

                               دنیزه چارپاجاغیمدان،

اولدوز دولو بوغولاجاغیمدان،

           آجییرسان سنده

سنسیزلیگیمه گل.

 

دوندورولوش آنیلار بیر ایل سوره سینده نه لر یاشادی؟

 

ل دوندورولوش آنیلار بیر ایل سوره سینده نه لر یاشادی؟ ذ

فیکیرداشلیق ائدن یولداشلاردان بو بیر ایل سوره سینده منتدارلیغیمی بیلدیررک،

 وطنیمیزاوغرونداو تورکلویوموزو،

 کولتوروموزو قوروماقدا سیخ - سیخ بیرلییمیزی آرزیلاییرام.

ایل - ایله باشارا بیله جه ییک وطنیمیزه دئیه، باشی اوجا، آلنی آچیق یاشایاجاییزا. (آمین)

 

الکتریسیته

 

 

من اوزومو

(سنی یوخ)

لاپ اوزمو،

      اوز ایکی بارماغیمی پریزه تاخاجایام

 3 elli

یا یاندیرا!

یادا یاندیرا.

**

من اوزمو

یوخ!

بلکه سنین الیندن یاپیشاجایام

یا قاندیرا!

یادا قان دورا.

***

من اوزمو...

من سنی...

یا یاناق

یا یاندیراق 

 ایچیمیزی

ایکیمیزی.

 

 

قان!

 

اونلار!

پیچاقلامادیلار بیزی

اوز الیمیزله کسدیلر باشیمیزی

یاواش - یاواش

بو قانی کیمسه گوره بیلمه یه جک

بو دهشت گوروشمه یه نلردندیر

 ایچیمیزه دولور قان

 و ایچیمیز لاخ - لاخ، لاختالانیر

bashi xencerli adam

اوتقونورام

قورتوم - قورتوم

قان!

قان

آخی! سن قانماسان

من یازانمایاجایام.

من یازانماسام

بو قان آپاراجاق ایکیمیزی ده.

---------------------------

۰۱/۰۳/۲۰۰۷

 

زامان گئدیر

 

زامان گئدیر،

         خییاوانلاردا ته کر – ته کر

آیاقلار

      تلم - تله سیک آتدیملامالی

                        دالی قالمامالی.

 

باشی داشا دئییسین بو گئدیشین

آخی!

  گونش دوغاجاغینا آپاردیغیمیز اللر

قابارلایاجاق بو داغلاری آشینجا

زامان گئتسین

زامان اؤلسون

زامان دئییشسین

بیز بو داغلاری آشماق گره یینده ییک گئرچکدن.