M e s u d H a r a y

Mesud Haray-In Özel Websitesi

M e s u d H a r a y

Mesud Haray-In Özel Websitesi

Özünü tapmaq yeter! ! ! - Afiq Agdami

Biz Oğuz soyundanıq. Azerbaycan Türkleriyik. Ne yazıq ki, Türk olmağın dadından mehrum olan soydaşlarımız da var. Bu, öz köküne dönüklük kimi görsense de, eslinde bir duyğu çatışmazlığıdır. Doğrusu, acı tarixin manqurtlaşdırdığı suçsuz insanları qınamıram. Onların indiki düşüncelerini gördükce soy düşmenlerimin qanına susayıram. Milletimin beynini yağmalamış, torpağını parçalamış basqınçılara bütün varlığımla nifret edirem.
Ve emin oluram ki, bu duyğu ölenecen üreyimi bürümüş en deyerli duyğu olacaq. Her defe zamanın vurduğu qapazdan ayılmayan yatmışları görende daha da böyüyecek. En azı yenilmez, qorxmaz, yeri gelende ölümü ile qucaqlaşmağı bacaran döyüşcü qeder. İnanıram ki, köksünde öc besleyen bir vaxt o nifreti kor soydaşlarına ötüre bilecek. Boş yere demirler ki, bir oyaq yüz yatmışı oyadar – yüz yatmış bir oyağı yatırda bilmez! Oyananlar var olsun, yatanlar oyansın!

Afiq Agdami

بیر تنقید - بیر آچیقلاما ( ۲)

بیر تنقید

سایین مسعود بی جینابلاری
دئدیینیز کیمین بیزی دونیادا تانیمیرلار ها بئله تورکیه جمهوریتینده و بو آجی بیر گئرچک
بو گئرچک اورادا داها آجیلانیر کی بیز اؤزوموزده اؤزوموزو تانیمیریق
ایسته میرم تیکرارلی سؤزلری بورادا گتیرم
آنجاق منجه بیزیم دردیمیز بیر و یولوموز فرقلی دیر
بیلدیینیز کیمی بیزیم پرابلئملریمیز او قدر دیر کی بو قونولاردان سؤزآچماق ساده دوشونجه لیگیمیزدن اولا بیلر
بیر آز دیقتلی اولسانیز گؤررسیز کی اؤز خالقیمیز هله ده او قدر کی گرک بیزی قبول ائتمه ییب ، پان تورکیست آدلاندیریب ، سوچلاییرلار
بو خالق اؤز دیلین اوخوللاردا اوخویوب ، یازمییب اونا گوره ده خالقین دیلی سیزین دیلینیزله چوخ فرقلی دیر
منجه بو دردلرین یوکون داشییان بیزیم آیدین فیکیرلریمیز ها بئله شاعیرلریمیز و یازیچی لاریمیز دیرلار
خالقی اویاتماق ایچین خالقیمیزلا ایلگیلشمه گیمیز گرکلی دیر یوخسا خالق بیزی اؤزوندن بیلمه ییب و بیزه اینانمییاجاق
بیزیم ایلک تکلیفیمیز اؤز خالقیمیزی اویاتماق و اونون دردلرین ، ایستک لرین تانیماق دیر
اونوتمامالییق کی تورکیه تورکجه سینده یازماقلا یا تورک دونیاسینین بیرلیگیندن دانیشماقلا اؤزوموزو تانیددیرا بیلمه ریک
بو پرابلئم یالنیز بیزیم خالقیمیزین بیرلیگی ایله ، گونئی آذربایجانین ایستیقلالیتی و ها بئله خالقیمیزا میلت عنوانی قازانماقلا حل اولونا بیلر
سیز یقین اؤزونوز بو پرابلئملری چوخ آیدین آشکار گؤرورسونوز
باخین تورکیه جومهوریتی بیزیم کیمین بو قدر ساده بو قونویا فیکیرله شمیر . اونوندا تورک دونیاسینین بیرلیگینده اؤزونه عاید منفعت لری وار
اونلارین اورگی بیزلر ایچین یانمییب
دئمه لییم کی حتی قوزئی آذربایجان اؤزونه عایید میللی منفعت لری وار و او منفعت لرین اوغروندا گونئیی ساتیب و ساتاجاق
بو نئچه ایلده قوزئیین خاریجی سیاستلرینه باخسامیز بو سؤزون گئرچک اولدوغون گؤره بیلریک . البت من دئمیرم بیز بین الخالق سیاستلریندن فایدالانمییاق
یوخ . منجه بیزیم سیاستچی لریمیزین ان بؤیوک هونری بو فضالاردان فایدالانماق دیر
بیرده منیم عزیز قارداشیم شاعیرلر ان ایده آلیست اینسانلاردان ساییلمیرلار
بو سؤز چوخ کوهنه دیر . شاعیر ایده آللاردا سئیر ائتسه  ائله او ایده آللاردا دا قالاجاق
اونون سؤزونه کیمسه دیر وئرمییه جک . شاعیر گئرچک لری گؤرمه لیدیر
شاعیرین دیلی عوریان بیر دیل اولاراق گؤرونمز گئرچک لری ، پرابلئملری تصویره چکملیدیر
مسعود بی بیر آز درین فیکیرلشسز گؤررسیز کی داها ایده آلیسم دورانی کئچیب . بو زاماندا ایده آللاردان دانیشماق بیر آز گولمه لیدیر
سوندا منده تشککورومو بیلدیریب و سیزه اوغورلار دیله ییرم
درین حورمتله
سارای

----------------------------------------------------------------------------------

بیر آچیقلاما

چتین لیک  او زاماندان باشلاییر کی بیزیم میلتین شاعیری، سیاستچی سی و سیاستچی سی شاعیر اولور. و داها چتین بو کی شاعیر سیاستچی و سیاستچی شاعیرده بو گون میدانا گلیب.

بیز بیر میلتین شاعیریق کی او میلت شعیر دیلی یوخ بلکه اوز آنا دیلینیده تانیمیر و بیلمیر.  من سیزین نه قدر رئالیست یا سوررئالیست بیر شاعیر اولدوغونوزو اولچومورم. دوشونورم سیز شعیر دیلینده رئال و گاهدان سوررئال بیری سینیز. و بو گئرچکدن سیزین حاقینیز. دئمک شعیر گلنده رئال یا سوررئال سوروشمور .

منیم سیزه یازدیغیم شاعیرلره عاییدیر، یانی شاعیرلر اونلار کی شعیر یازیرلار و یاراتیرلار. دوغروسو  بیزیم میللی چتین لیکلریمیز و اونلارا قارشی چوزوم آپاران سیاستچی لریمیز  گئرچکلری دریندن دوشونمه لیدیرلر.

من بئله دوشونورم سیز منی بیر شاعیر یولداش کیمی چاغیریب و سونرا بیر سیاست آدامی کیمی تنقید ائدیرسینیز. و گئرچکدن بو ایش یئترسیز. من سیزینله بیر ادبیات آدامی کیمی یازیشدیم. دئمک وبلاگلاریمیزدا گئدن قونو یالنیز بو. بیز بیر شاعیر سیاستچی اولورساق کی بو گئرچکدن چتین، داها یئترلی بو کی سیاستی سیاست ائوینده قوناقلایاق و شعیری شعیر ائوینده. منجه بو ایکی قونونو بیر ائوده قونوشمامالیق.

داها سونرا تورکجه، تورکجه دیر دئییرم. ایسترسه تورکیه تورکجه سی، ایستر آزربایجان و ایستر تبریز ،اورمو، اردبیل، زنگان و ... و بو بیر ادبیات آنلاییشی. آما سیاست عالمینده تورکیه تورکیه دیر و آزربایجان، آزربایجان.

ادبیات عالیملری آراسیندا دوولت سینیرلارینین معناسی یوخ سارای خاتین! آما بیلدیین کیمی ایکی کندین آراسیندا سینیر وار. اکینجک یئرلرینینده سینیرلاری وار.

 

درین حورمتله‌ : مسعود هارای

 

بیر تنقید - بیر آچیقلاما

بیر تنقید

سایین مسعود بی جینابلاری
اؤنجه همشه کی کیمین منه دیر وئردیینیز ایچین تشککورومو بیلدیریب  و شعرینیزه گوره و داها یازدیغیم تنقید ایچین بیر آز آچیقلامالییام  
دیققت ائدین بو سؤزجوک لره

" سن ، کابیغی ، بوداکلاری ،یاپراکلاری ، کاچاراق ، اوزاکلارا ، کانایاجاک"
بو شعیریده من آذربایجان لهجه سین گؤرمورم . البت ایر سیز اوزونوز  تورکیه توکجه سینده  شعر یازیرسینیزاو باشقا بیر قونو
من سیزی ان بؤیوک و گوجلو شاعیرلریمیزدن سانیرام و یقین سیز بیر میللتچی شاعیر اولاراق  او قدر سیاسی دوشونجه نیز وار کی  آیده آللاردا سئیر ائتمه ییب و گئرچک لری داها آیدین گوره سیز .
درین سایغیلاریملا

سارای

http://www.sariyayliq.blogfa.com

---------------------------------------------------------------------------------------

بیر آچیقلاما:

سئویملی سارای خاتین!

اونجه کامئنت یازدیغینا گوره مینتدارام و سونرا آچیقلامالییام کی آشاغیدا لینک وئردییم وب سیته تورکیه ادبیات سیته لریندن عاییددیر. ایملا قایداسینی پوزماییم دییه اولدوغو کیمی وبلاغا باسدیردیم. یانی سؤزو گئدن شعیر تورکیه لهجه سینه دوندرمیشم. سیز یازدیغینیز کیمی ایکی-اوچ کلمه نین بیر آز حرف دئییشیکلره بیزی بیر بیریمیزدن بو قدر اوزاق سالدیغینی دوشونورم. بیر یئنی تجربه دییه، ایکی آذربایجان ادبیاتینی تورکیه ده تانیتدیرماق اولسون دئیه و ...

بیزی دونیادا تانیمیرلار و ها بئله قارداش تورکیه جمهوریتینده، و بو بیر آجی گئرچک. کئشگه دردیمیز بیر اولسایدی. البت کی منیم بو فیکریم شعیریمین توجیهی دئییل.

سارای خاتین!

شاعیرلر ان ایده آلیست اینسانلاردان ساییلیرلار. دوشوندویومه سیز دئدیینیز کمیی دیر یانی منده ایده آللارا اوغرامیشام یواش-یواش. بلکه زامان سوره سی بیزلری فیکر بیرلیینه داها یاخین سالسین!

فیکیرینیزی پایلاشدیغینیز ایچین مینتدارام.

 

 

Sen getdiyinde

Sen getdiyinde

Sen getdiyinde
Ağaclarin kabığı qabarlayacaq
Şişecek budakları
Yaprakları,
Çiçekleri ağlayacak geceler
Sen...
Tersine atdimlamadan,
Kaçaraq geteceyem uzaklara
Duvarlara sovlula – sovrula ellerim
Kanayacak sen gelince.

Mesud Haray

http://siir.edebiyat.org/siir/siir.asp?siir_id=911719&sair=61540&sira=11&adet=17

سن اؤلمه دین کی

سن اؤلمه دین کی

 گوره سن دیشلریم

 سویوقدا نئچه شاقیلداییر

بارماقلاریم گوزومده ایسلانیر

جانیم یانیر

 

سن اؤلمه دین کی بیله سن

ایچینده داریختیغیمی

ایت قورد دیلینده

 دانیشمامادیغیمی

سن اؤلؤنجه

گوزومو قیرپمادان

گوزله دیم سنی.

هیرسیزلارین شاعیرلردن و یازارلاردان مملکتیمیزه فایدالی اولدوقلار

هیرسیزلارین شاعیرلردن و یازارلاردان مملکتیمیزه فایدالی اولدوقلاری

ایبراهیم بی جعفرزاده، حمید بی رستمی(آرغیش):

بیز هامیمیز دوستاقداییق. فیکیر دوستاغی دیر بورا. اینسان دوشدوکلریندن قورخور و هورکور و بو او دئمکدیر کی بو توپراغین هامیسی دوستاقدیر.

شاعیرلر، یازارلار و... دوستاقلانمالیدیلار. شوکورلر اولسون کی بونلاردان تهلوکه لی و هیرسیز کیمسه بو اؤلکه ده تاپیلمیر.

۱۳۸۱-ده یادیندا حمید بی! ایبراهیم افندی!

ماًمورلار گوددولر کی کیمسه گورمه سین و هیرسیزلار آذرسافت اینجه سایار بانکاسینی چاپیپ آپاردیلار.ایندی بو ماجرادان ۶ ایل اوتدو و مامور اوغرولار و اوغرولار اوزگورجه یاشاماقدادیلار.

آما سیز نئدن اوزگور یاشایاسینیز؟

ادامه مطلب ...

ِDِِarmadağım şiir

 

Ne  xayaldir bu

Nede oyku

Gerçekden bulanib durulmaqdadir su

Gece yarısına kimi gözlemek

Gör – görüşmelerde tapıldığımızdır.

Içib keflenebilseydim keşke!

Bu darmadağım şiirleri

Bir daha düzenleye bilerdim.

اورمو

 

نه آلنیما یازیلمیشدی

نه اللریمدن اوخودولار،

نه بارماقلاریم دانیشیردی.

 

نه نه مده اولمه میشدن

اوپموشدو گوزلریمدن.

 

ده ده مده دارنادارین ساتار

گئتمه میشدن بوردان

اوندان بئله،

 قارا، باغلی گوزلریمین آدین قویدولار

 " اورمــــــو "

Türkiye milli takımın uğur

 

تورکییه میللی فوتبال تاکیمینین اوغور قازاندیغینی بوتون تورک دونیاسینا، اوزللیکله گونئی ازربایجان تورک میلتینه تبریکله ییرم.

 

 

Türkiye milli takımın uğur qazandığını bütün Türk dünyasına,özellikle güney Azerbaycan Türk milletine tebrikleyirem.