M e s u d H a r a y

Mesud Haray-In Özel Websitesi

M e s u d H a r a y

Mesud Haray-In Özel Websitesi

** سعید متین پورون جیسارتینه **

سیلاحداشیم سعید متین پورون جیسارتینه


مندن او اولو اینسانا سلام دئی

کلبچه لی اللرینی سیخ

قاداقلانمیش گوزلرینه سو سپ

و اوتور اونونلا دیز-دیزه

دئی کی

 سنی بیزدن آییران دووارلار

بتونلار هامیسی

وطندیر

 یانی تورپاق

و بیز وطنی سئودییمیز ایچین

دوستاقداییق.

مندن او اولو اینسانا

بیر اوووج تورپاق گوتور

و دئی کی

بودور سنی بیزدن آییریر

و سونوندا

بیر-بیریمیزه قوووشدورور.

مندن او اولو اینسانا

مرحبا دئی

آفرین دئی

دئی کی

اوسانما دئمه کی دوستاقداییق بیز

اوره یی دوستاقدا ،اوزو دوستاقدا

سنین ده اوره یین، منیم ده جانیم

واریکن یارانیب سؤزو دوستاقدا.

*** وطن کور دئییل ده ده م ***



وطن!

کور دئییل ده ده م!

او یالنیز

گوز یوموب کی

  گیزله نن لر 

داها تاپیلماسینلار.



** آذربایجانیمیزین آجییان یاراسی (اورمو گولو) **


سویا سو توکمک یاساق

سویو سووارماق دا بئله

دنیزه گئتمک یاساق

دنیزه باخماق دا یئله


سویا سو توکورسک قورخورلار

داغا گئدیرسک ده

بو گون بورادا

بیر آووج سو ال بومباسیدیر

پارتلاسا بئله

سئل آپارار ائولرینی

...





*** دوداق – دوداغا ***



گوز گوزه دانیشیردیق

دوداق دوداغا

دالبادال چیرپینتیلارا زویوردو

اوره ییمیزین آیاغی

هانی قار

به هانی سازاق

آما اوشویور ایچیم - ایچیمدن

بو آیریلیغین نئدنینی بیلدییمدن.