X
تبلیغات
رایتل

M e s u d H a r a y

هانی منی گول قوینوندا دوغوران - الماس ایلدیریم

Share



      الماس ایلدیریم 



هانی منی گول قوینوندا دوغوران،
خمیریمی گؤز یاشییلا یوغوران،
بئشیگیمده، “لایلا بالام” چاغیران…

آزربایجان، منیم باختسیز آنام اوی…
نئچه ایلدیر حسرتینله یانام اوی…

سلام دئسه‌م، روزگار آلیب گؤتورسه،
آغری داغدان آلاگؤزه اؤتورسه،
گور سسیمی گؤی خزره یئتیرسه،

خزر جوشوب زنجیرینی قیرسا اوی…
حؤکم ائتسه بو سرسم گئدیش دورسا اوی…

خبر آلسام موغانیمدان، میلیمدن،
نازلی باکیم، او نئفت قوخان گولومدن،
کیم دئمیش کی، دوشموش آدی دیلیمدن…

آزربایجان، منیم ائشسیز یوردوم اوی…
اؤلمز عشقیم، ایچیم‌دکی دردیم اوی!…

کؤنلومه تک کعبه ائتدیم سنی من،
سنسیز نئیلیم غوربت ائلده گونو من،
سنسیز نئیلیم آللاهی من، دینی من …

آزربایجان، منیم تاختیم، تاجیم اوی!..
اویانمازمی کور اولاسی باختیم اوی!..



Share
text-align: center; BlogSky:Logo ImageSrc //a