تورپاق( خوجالی شهیدلرینین خاطیره سینه) ــ کیان صفری
ائوین ائشییینده قار شیددتله یاغماقدایدی. «شامیل» پنجره اؤنونده دایانیب قارانلیق حیه‌‌طین اورتالیغینداکی شاختایا، بورانا دؤزه‌ن یالقیز توُت آاجینا باخیردی.
یئنیجه دؤیوش بؤلگه‌سیندن یئتیشیب، هله أینینده‌کی دؤیوش پالتارینی ده‌ییشمه‌میشدی. اصلان اوتاغین سوکوتونو سیندیردی:
ـ اوغلوم شامیل! دؤیوش بؤلگه‌لرینده نه وار ـ گل اوتور سؤیله گؤره‌ک!
او آتاسینا ساری دؤنه‌رک ، آرام لحن ایله : «آتا! تئزلیکله بورادان گئتمه‌لی‌ییک.» ـ دئدی.
ـ نئجه، نه دئدین، بورادان گئنکه‌لی‌ییک، نییه اوغلوم نه اوچون؟!
ـ هر آن ایمکانی وار قوُدوز دوشمن بورایا باسقین ائتسینلر. جبهه‌لرده دوروم یاخشی دئییل. دوشمن وار گوجویله یوروش ائتمکده دیر. بو گون ـ صاباح ...
ـ یوخ اوغلوم من بو شهری ترک ائده بیلمرم، خوجالی منیم دوغما یوردوم دور. من بورادا بوی آتمیشام، یاشا دولموشام. نئجه من بورالارین داغ ـ داشیندان ، سرین سولاریندان، مئشه‌لریندن أل چکه بیلرم منیم هر زادیم بورادادیر. من بورادا کؤک سالمیشام.
شامیل دریندن کؤکس اؤتوردو:
ـ آتا من سنی یاخشی باشا دوشورم، آمما نه ائتمک اولار. بو گون ـ صاباح او دیغالارین آیاغی بورایا آچیلسا ، هئچ کیمسه‌یه رحم ائتمه‌یه‌جکلر. اونلار دیریلر قالسین بیر یانا، اؤلولره ده رحم ائتمیرلر. هانسی کندده، قصبه‌یه چاتیرلار قبیرلری ده سؤکورلر. آتا! چوخ چتین گونلر کئچیریریک. دوشمن گون به گون تورپاغیمیزدا ایره‌لی‌لمکده‌دیر.
اصلان اوره‌یینده آغیر بیر درد حیس ائدیردی. اونون یانیندا اوتوران بالاجا اوْغلان نوه‌سی دانیشیقلارا قولاق آسیردی. آتا اوغلونون دئدیکلریندن بئله راحاتجاسینا کئچه‌بیلمیردی. آخی او، اؤزو ده ایکینجی دونیا محاربه سینده چتین گونلره راست گلیب، محاربه‌نی یاخیندان تجربه ائتمیشدی. باشینی آیاق اوسته دوران اوغلونا ساری قوْوزادی. شامیل اونون ایکی گؤزونون درینلییینده نفرتله انتقام حیسّینی دوُیوردو.
سسینده آیدینجا آنلاشیلمایان بیر غم واریدی:
-اوغلوم!تورپاغی کی باشینا بوراخیب ،دوشمنه وئرمک اولماز.بو تورپاقدان هره نین بیر پایی وار. هامی ایمکان قده ر اؤز پایینی قورومالی دیر.اونون قارشیسینداکی وظیفه‌میز چوخ آغیردیر. قارینج-قارینجیندان وار گوجوموزله مدافعه ائتمه‌لی‌ییک. اولورسا بو تورپاغی چییینلریمیزده داشیمالی‌ییق. آمما اونو دوشمن الینه وئرمه‌‌مه‌لی‌ییک. من بیلمیرم بس سیزلر نئیلیرسیز، اؤلکه‌میزین میللی اوْردوسو نییه دوشمن باسقینی‌نین قاباغینی آلمیر؟!
ـ آتا بیرین بیلیرسن، بیرین بیلمیرسن. دوشمن باشدان ـ آیاغاجان سیلاحلانیب، روس ایمپریاسی آمریکا، فرانسا، آیری بوینو یوغون اؤلکه‌لرله بیرلیکده قالماسین یاردیمی ائرمنیلره ائله‌ییرلر. اونلارین کؤمه‌یی اولماسایدی، ائرمنیلر کی جرأت ائدیب بیزیم توْرپاقلارا گؤزلرینین اوُجو ایله ده باخما بیلمزدیلر. قالدی بیزیم اؤز اوردوموزون احوالاتی، آدام اوتانیر سؤزونو دانیشسین. دؤیوش بؤلگه‌لرینه اولان قوّه‌لریمیز وار گوجلری ایله دؤیوشورلر. قانلاریندان، جانلاریندان کئچیرلر، آنجاق تأسفلر اولسون کی چاتیشمامازلیقلاردا آز دئییل. گؤرورسن نئچه گون اولور کی آرخا جبهه‌دن اوْردویا یاردیم اوْلونمور. الی بوش، آرخاسیز دوشمن اؤنونده نه ائتمک اولار.
اصلان”ین گؤزلری یاشارمیشدی:
ـ ایلاهی نه گونلره قالدیق، گؤره‌سن آخریمیز نئجه اولاجاق. کاشکی ال ـ آیاغیمدا گوج اولایدی، سیلاح گؤتوره بیله‌یدیم. اوندا اونلارا گؤستره‌ردیم کی آذربایجان تورپاغیندا او آلچاقلارا یئر اولا بیلمز.
بالاجا اوشاق هوروت ـ هوروت بؤیوک آتاسینا باخیردی:
ـ اصلان بابا سن قوجالمیسان، داغدا قاچا بیلمزسن، قوی من آتاملا گئدیم دوشمنله دؤیوشوم.
اصلان الینی اونون باشینا چکه‌رک:
ـ آی ساغ اول منیم قوْچاغیم! آمما واقف! سن هله چوخ بالاجاسان، بؤیویئب بویا ـ باشا چاتمالیسان، سن بؤیویه‌نه آللاه ایسترسه محاربه قورتارار، امن ـ آمانلیق اولار.
×××
نئچه گون ایدی کی اصلانین عاییله‌سی شامیل‌ین اصراری ایله خوْجالینی ترک ائدیب آغداما گلمیشدیلر. او گونلرده خوجالینی ترک ائده‌ن عایله‌لرین سایی چوخ آز ایدی.
دؤیوش بؤلگه‌لرینده قیزغین محاربه گئدیردی. دوشمنین اشغال ائتدییی تورپاقلار گون به گون آرتیردی. آرتیق گوللـه‌لرین، بوْمبالارین پارتلاماسینی خوْجالی‌نین یاخینلیغیندا ائشیتمک اولوردو.
چوخ چکمه‌دی کی رادیو ـ تلویزیون واسیطه‌سیله دهشتلی، آجی بیر خبر ائشیدیلدی:
ائرمنی قوّه‌لری وحشیجه‌سینه خوْجالیدا یوزلرله گوناهسیز اینسانی اؤلدوروب، ائولرینی یاندیریب داغیتمیشلار.
بو سارسیدیجی خبر اؤلکه ده بومبا کیمی سس سالیب، هامینی غم، کدره چولغادی. خوجالی اطرافیندا یئرله‌شن قارقار ساحیلینده کی مئشه‌ده هله‌ده آرابیر گوللـه سسی ائشیدیلیردی. مئشه‌یه پناه آپاران سیلاحسیز اهالی آجلیقلا، شاختا ـ بوْرانلا مبارزه ائتدیکده هارادا وحشی دوشمن واسیطه‌سیله تاپیلیردیسا گوللـه‌لنیب، یادا اسیر توتولوردولار. اوْنلار نه قوجایا نه ده آرواد ـ اوشاغا رحم ائتمه‌ییردیلر.
مئشه‌نین بیر بوجاغیندا شامیل اؤز دسته‌سی ایله بیرلیکده ووروشاراق نئچه آرواد ـ اوشاغی تهلکه‌دن قورتارماق ایسته‌ییردی. او بو ایشی گؤره بیلسه‌ده بو یولدا نئچه حرب یولداشینی الدن وئریب، اؤزو ایسه قوْلوندان شیددتله یارالاندی.
×××
«آغدام»ین دام ـ دوواریندان کدر یاغیردی. سانکی «آغدام»، «خوجالی»یا یاس توُتموشدو. شامیل آخشام چاغی‌نین سوْیوغو دوشمکده یورغون ـ آرغین گلیب، ائوه چاتدی. بالاجا واقف هؤوله‌سک آتاسی‌نین قوجاغینا قاچیب، شنلیک ائدیردی:
ـ دئ گؤروم آتا دوشمن قوّه‌لریندن نئچه‌سینی اؤلدوردون، خوْجالیداکی ائویمیزی قوْرویا بیلدینمی؟
آتا باشینی آشاغی سالاراق : «سؤیله‌یه‌جه‌یم» دئدی. اصلان کیشی چلییینه سؤیکه‌نه‌رک یارالی اوغلونو باغرینا باسدی:
ـ اوغلوم یارالانمیسان؟! هانسی الی قوُروموش قولونا گوللـه ووردو؟
شامیل دولوخساندی:
ـ آتا خوْجالینی اشغال ائتدیلر. ائرمنیلر هامینی اؤلدوروب، یا دا اسیر توتدولار. ائولریمیزی داغیتدبلار، تورپاقلاریمیزی قوْرویا بیلمه‌دیک آتا!
بو آندا واقف سورعتله اوتاقدان چیخیب، تئزلیکله الینده بیر پارچا ایله اونلارین یانینا قایتدی. او پارچانی اصلان کیشی ایله آتاسی‌نین گؤزلری اؤنونده آچدی:
ـ بیر باخین بورا من اؤز پاییمی قوْروموشام.
پارچا آراسیندا ایکی اوووج قده‌ر خوجالی توْرپاغیندان وار ایدی. اصلان بیر حالداکی یاشلی گؤزلرله اوشاغی سیخ باغرینا باسمیشدی شامیل الینده‌کی سیلاحی مؤحکم‌جه‌سینه سیخیردی.
* بو حیکایه 1376 دا "وارلیق" درگیسنده چاپ اولونموشدور.
این متن و یه ناشناس برام فرستاده: به امام زمان دختری هستم از خوزستان که پزشکان از معالجه ام ناامید شدند شب در خواب حضرت زینب(س) را دیدم در گلویم آب ریخت شفا پیدا کردم ازم خواست اینو به 20 نفر بگم. این پیام به دست کارمندی افتاد اعتقاد نداشت کارشو از دست داد، مرد دیگری اعتقاد پیدا کرد 20 میلیون بدست آورد، به دست کسه دیگری رسید عمل نکرد پسرشو از دست داد اگر به بی بی زینب اعتقاد داری این پیامو برای 20 نفر بفرست 20 روز دیگه منتظر معجزه اش باش