سئویلن دیل
حمید آرغیش
سینما سالوْنوندان ایکی کیشی بیر کیچیک اوْغلانلا دیشاری چیخدیلار .
آغارمیش ساچی، زامان ألی ایله اوزونه چکیلمیش چیزگیلر یاشینی أللیدن آرتیق گؤسنرهن کیشی:
ـ «چوخدان ایدی اؤز آنا دیلیمیزده بیر فیلم گؤرمک حسرتینده ایدیم». ـ یانیقلی، لاکین سئوینجه قاریشمیش لحن ایله اوْغلانجیغازین ألیندن یاپیشان کیش”یه خطاب دئدی.
ـ «بابا جان من ده ”لذت آپاردیم“ ، آمما ایندی اصلینده زامان دهییشیلیب؟! داها تورکو دیلی..»
بو حالدا اوغلانجیغاز بو سؤزلردن بیقمیش کیمی گؤرونورکن ، أسنهیهرک آتاسینین ألیندن چکدی :
ـ «بابا جون! بریم خونه.. از این فیلم خسته شدم!».