X
تبلیغات
زولا

M e s u d H a r a y

قیسا حیکایه - شهریار گلوانی


شهریار گلوانی
ائدیت: ن. ائلخان


یازیچی دیقتله یازیردی. قیسا بیر حئکایه یازماق مجبورییتینده ایدی. اوردان بوردان ائشیدیردی قیسا حئکایه یازماق، یازیچینین اورژینال اولماسینا دلالت ائیلر. یازیچی اورژینالی اؤز یانیندا خاصیّتلی معنالامیشدی. اما داها دوغروسو، نئجه دئیه¬رلر ایری اوتوروب دوز دانیشساق، عمومیتله ناغیلدان و خصوصا ً قیسا ناغیلدان زهله¬سی گئدیردی. ایندی آما فیرصتی قاچیرماماق اوچون ایستیردی




بو قیسا حئکایه¬نی یازماغینان، اؤزون اورژیناللار صفینه سوخوب، باشلار ایچینده باش قالدیرسین. لاپ دوزونه باخساز ائو - اوشاق ، قوهوم- اقربا ایچینده ده تحقیر اولوردو. اونا ال- آیاقسیز، گاهن ده عورضه¬سیز دئییردیلر. البته او اوره¬گینده اونلارین جوابینی وئریردی: اگر اوغرولوق دوغرولوق عورضه¬سیزلیک ایسه، هه من عورضه¬سیزَم. بو سؤزلردن گئچک... دئییردیم کی یازیچی، یازیچیلار چئوره¬سینده اولان ذوقی شوقی قیسا حئکایه¬ گؤره¬ندن سونرا، اونلاردان دالی قالماسین دئیه، قیسا حئکایه یازماغا باشلامیشدی. کلمه¬لر، کلمه آردینجا دوزولوردو. ائله اونون آردینداندان او بیری کلمه گلیردی.نازلی گلینین نازلی یئریشی کیمین کلمه¬لر آغ کاغاذین اوستونده سوزولوردولر. نقطه قویان یئرده جمله قورتولوردو و باشقا بیر جمله باشلانیردی. جمله ، جمله دالیسیجا یازیلیردی. یازیچینین اوره¬گینی سئوینج دولدورموشدو. دئیه¬سن حئکایه اؤزون تاپیر ها!. یازی قاباغا گئدیکجه، یازیچی اوره¬ک سیخیجی بیر پربلم¬له اوزله¬شیردی. یازیچی نه دئیه¬جه¬یینی اونوتموشدو. حئکایه¬نین نه¬یه سؤیکندیگینی بیلمیردی. بوندان قاباق یازیلاریندا تزه یوز صحیفه یازاندان سونرا، ساپین اوجو الینه گلیردی. نئجه اولار ایکی صحیفه¬لیک یازیدا هر شئیی آیدین - آشکارا اوخوجویا یئتیره بیله¬¬سن؟!. یازیچی لاپ شاشیرمیشدی. بوندان قاباق یازینین ائنی - بویونا فیکیرلشمه¬میشدی. یازیچی¬یا گؤره ان اوزون ناغیل ، ان یاخشی ناغیل ایدی. یاشایشیندا دا اؤیله دوشونوردو. ان اوزون، ان یاخشی. هئچ بیر گونون و هفته¬سین حذف ائله¬مه¬یینه راضی دگیلدی. آمما بیر بئله ایل یاشایاندان سونرا ، تکجه نئچه اؤنملی حادیثه و خاطیره یادیندایدی. قالانینی گئرچکدن اونوتموشدو. بو حئکایه¬نی یازماغا اؤلچو الینده وار ایدی. چوخ غریبه ایدی. فرانسالیلار دئمیشکن آبزورد! ( معناسیز!) ائله بیل ماراتن یاریشچیسینا یوز مترلیک یاریشی تکلیف ائدیرسن. معناسیز! قیسا حئکایه¬ده بیر سطیر یازماق، بیر سطیر فرصتی الدن وئرمک دئمکدیر . اؤلچو ایمکانیندان بیر سطیر بویو آزالماسیدیر. رادیودان، ناغیل یازانا تکلیف ائله¬میشدیلر اون دقیقه¬لیک ناغیل یازسین! اون دقیقه ده، قیرخ سطیر اوخونور. یازیچینین ایمکانی حئکایه¬نی باشا چاتدیرماغا قیرخ سطیرلیک ایدی. هر سطری یازاندان سونرا دورورب سطیرلری ساییردی، قالان فورصتینی یوخلاییب ، هوشونو توپلاییردی. اوتوز اوچ! یئددی سطیر ده یازا بیلرم. دیقّت¬لی باخاندا گؤردو اوتوز دؤرددور. وای دده! آلتیسی هله قالیر. بیلمیردی هانسی سؤزو حذف ائله¬سین. لاپ شاشیرمیشدی . ذئهنینده¬کی اوینایان ایدئیالار بیر- بیرینی یئییردیلر. اوتوز آلتینجی سطیر. دؤرد سطیر قالمیش و یازیچی هَله حئکایه¬نین فوکوسون تاپا بیلمه¬میشدی. بو لعنته گلمیش کیچیک حئکایه. آخی فوکوس مسئله سین سورالارا بوراخمیشدی.آما ایندی بیلمیردی نه یازسین. سطیر، سطیر دالیسیجا یازیلیردی. اوتوز دوققوزا یئتیشمیشدی. یازیچی اوره¬کدن آه چکدی. دَرین یئنیلمیش حیسّیله، قیرخینجی سطیرین سونونا نوقطه قویدو!
سون


qaynaq: www.hekaye.com

Share
text-align: center; BlogSky:Logo ImageSrc //a