M e s u d H a r a y

Mesud Haray-In Özel Websitesi

M e s u d H a r a y

Mesud Haray-In Özel Websitesi

::: Adını sixinti olsun :::

Sixinti gelir kimisin


Bir an boğazımı tıkayıb


Nefesimi kesirsen


Adını kimseye diyemem


Tadını kimseye anlatamam


Adın


Yürek çırpıntılarımın sebebi


Kirmizi qan golbulların adıdır


Ağıla taxıldığında


Barmaqlarımda seni danişir,


Qulaqlarımda.


Adını sixinti olsun


Yalnız bir an gel


Bir andada get


Qalırsansa


Ölümüme razı.




2013-10-23

Topal Teymur * توپال تئیمور

Topal Teymurunda dizi ağrıyırdı,

     Mənimdə.

   O

Dünyayı dolandı aslında

  Mənisə

      dünya başıma dolandı

           
Sen getdiyində.

=====================

توپال تئیموروندا دیزی آغریییردی،

   منیمده.

او

     دونیایی دولاندی آسلیندا

  من ایسه

   دونیا باشیما دولاندی

     سن گئتدییینده .

::: Dağ * داغ :::

,Gahdan

.Yadimdan çıxır kı adamam

,Dağ kimi ayaq üstə 

  Səni düşünürəm    

!Gəlsən

?Mənə söykənsən nə olur  




گاهدان،

  یادیمدان چیخیر کی آدامام. 

داغ کیمی آیاق اوسته،

     سنی دوشونورم.

گلسن!

   منه سویکنسن نه اولور؟


میلچک - ۳۱۳ گونه باخان - کیچیک آداملار

1


Doelə çağırdı

Milçək, milçəyi

O taydan

Bir ambolans

Ləşi yığışdırıb apardi.




2



Bu gün

313 günəbaxanın başını kəsdim

313 günəbaxan azaldı

Günəş artıq ışığını az paylaşsın diyə.



3


Kiçik adamlar

Barfiks gedərək böyüyərlər

Necəki

Uzun danışan adamlarada

Böyük adam bilərlər özlərini.




Urmu- 1390/3

** آدین باتسین **


یا سن وارسان


آدین دیللره دوشسون


یا سن یوخسان


آدین باتسین.


¤¤¤ اورمو ¤¤¤


دوزدو اورمو دنیزی شوردو

آما ایستانبول کیمی دوزلودور

دوداقلاری شکر

کیم بورادا ده لی اولماسا

  البت کی ده لیدیر.

الکتریسیته

 

 

من اوزومو

(سنی یوخ)

لاپ اوزمو،

      اوز ایکی بارماغیمی پریزه تاخاجایام

 3 elli

یا یاندیرا!

یادا یاندیرا.

**

من اوزمو

یوخ!

بلکه سنین الیندن یاپیشاجایام

یا قاندیرا!

یادا قان دورا.

***

من اوزمو...

من سنی...

یا یاناق

یا یاندیراق 

 ایچیمیزی

ایکیمیزی.

 

 

قوجاقلاشیرساق اولور

 

"میگرن" باشیمی دلیر

" سن " باشیمدا حیاتیمی

Migren

بو ده ل ها ده لده

           ده لیکلری توتماساق

               یاشاماغیمیزی  دوندوراجاق سویوق.

ال منیم، اتک سنین

یازا بیر داها دونمک

         قوجاقلاشیرساق اولور.

 

سیجیللی

 

زاغار- زاغار

        باخما دئدیم

قبیر داشینیندا سیجیللی سی وار.

دانیشماسایدی

 

اینسان دانیشماسایدی

     دوداقلاری بئله شیشمزدی

 ده ده مین ده ده سینین ده ده سیُ

            دانیشمادی!

آما دوداقلاری شیشمیشدی دئدیلر.

18 تموز آخشامجلیغیندا

 

گولـله له ندیرجکلر ایکیمیزیده

18 تموز آخشامجلیغیندا بیردن

الینی یاراما باس

       قان آپارماسین

    الیمی گوزونه توتورام

گوزونون اونو قارالماسین!

شعیر باجاریقینداییز ایکیمیزده

 

شعیر باجاریقینداییز

ایکیمیزده

سن و او

باجاریقلی ییز ایکیمیزده

من و او

دنیز لپه لرین آشا سالاجاییز

سن و من

بو آشی ایچن اوله جک

یاشایاجاییز ایکیمیزده

...

تاکسی

 

تلم تله سیک آتدیملایاجاییز

     گله جه ییز

دونوب گئریه باخمایا-باخمایا

تاکسییا...

مینمه یه جییز

آخی !

پارامیز توکنمیشدی دونندن

53

 

53

یوزده نه 13

بو چیلغین کوچه لرین باغیرساقلاری

دولانیب اللریمیزه

قادین!

دوغوزدوراجاقلاریمیزین آرزیسین

               آرزیلایاجاقدی می؟

دوغوزدورورام دوغروسوندان اوزومو

بو ایل

 

 

بو ایل

 اوره ییمین اکینه جک یئرلرینده

        بوغدا یئرینه

        بومبا اکه جه یم.

آل قانیملا

      بومبالاری سوواراجایام.

گوزلریمده دالغالانان نیفرت سیسیله

         قودوزلاری بوغاجایام.

قان فیشقیراجاق گوزلریمدن

باشدان دیرناغا بومبا لاناجایام.

یئنه ده نیفرت

 

یئنه ده نیفرت

    واراجاق اوره ییمه

کوکسومون فیلته سینی اودلاسام بئله

        پارتلایاجاق بیردن

                                 اورییمدکیلر اوزونوزه

ان کیچیک بارماغیمدا سنه باخیر

ایچیمده بیر حسرت یاشاییر

      سنین کیمی

           کوکسومه آیاق قویمادان

                         تاخیل بئینیمه

 ای یاشیلیغین یانغینی

       بو تارلا سنین

             یا بیچ یا یاندیر

بو پئنجره نین دالیندا پوشه لنمیش یارپاقلار

   سنین کیمی سولورلار

       ان کیچیک بارماغیمدا سنه باخیر

                                                     و گولور

هیرسدن آلوو قالخا کاش

        یاندیرا

                     منی

                  بارماقلاریمی

                                       و....

جـــــــــــــهـــــــــــــــنــــــــــمــــــــــه

 

گئتدین!

گلمه یینجه آخشامجیکلار

     بویویه جک آرتیق

قارانلیق!

   قارا اورتویون اورتور اوستوموزه

 

سن گئتدین!

گئدیشیندن چوخ اوزون زامان گئچدی

گلمه دین

جـــــــــــــهـــــــــــــــنــــــــــمــــــــــه.

انتیحارا فیکیرله شیرم

 

یاراشمایانلارا قالینجا

انتیحارا فیکیرله شیرم

گوزلری سوکوله جک  سوکولسون آلاهین!

من

او

سیز

باشقالانمیش بیری من

سیزینده گوزلرینیز

 سوکولور بیر گون اللرینیزده.

تاکسی

 

تلم تله سیک آتدیملایاجاییز

     گله جه ییز

دونوب گئریه باخمایا-باخمایا

تاکسییا...

مینمه یه جییز

آخی !

پارامیز توکنمیشدی دونندن

سنینله

 

سنین اللرینین بارماقجیکلاریندا

      حنالاناجاق اومودلاریمیز

دور بو قیریق ایپ حیاتمیزی دوگونله!

بو قالماقالدا قالمیاجاییز بئله

                          سنینله

آش

 

شعیر باجاریقینداییز

ایکیمیزده

سن و او

باجاریقلی ییز ایکیمیزده

من و او

دنیز لپه لرین آشا سالاجاییز

سن و من

بو آشی ایچن اوله جک

یاشایاجاییز ایکیمیزده

...

۵۳

53

یوزده نه 13

بو چیلغین کوچه لرین باغیرساقلاری

دولانیب اللریمیزه

قادین!

دوغوزدوراجاقلاریمیزین آرزیسین

               آرزیلایاجاقدی می؟

دوغوزدورورام دوغروسوندان اوزومو

کورافهیم ( بیر دوشونجه )

 
 
دون!
  دونه جکلره
         مین کره
         قورتولمویانادک ایشیق
       سیز گونشین اوزونو پالچیقلایا بیلمه یه جک سینیز.
***
قارانلیغا دووار چکمه دیلر اوجا
      آدینی ایشیلدادیلار یاواش- یاواش
 
        سن باشینی قالماقالا سالما کونول!
                  بو کولتورون سایسیز کورافهیم لری وار .

کاسئت

دویمادیم.

    دایانمادیم.

         دورمادیم.

بو بیر کاسئت

             سنین ایچین.

عسگر اولدو

 
 

بیر گون سنینده بئلین بورکولجک،

           چه لیک اوتموشلار کیمی.

الینی بئلینه چاتیب،

                زیققینا زیققینا

                زیققیدییا زیققیلدییا گئده جکسن.

بومبالار آخشامیندا پارتلایاجاق اوره یین.

                  پیچاقلار آغزیندا سسله نجه ک آدین.

                 *مانتاجسیز تایر* اولاجاقسان ائله بیل.

**از ارائه خدمات به افراد بدحجاب معذوریم.**

                   باش اورتولو، یاشماق آغیز،

                   سنه آراباسین کیمسه ساخلاماز اولاجاقسان.

دولاجاقسان قوولوق کیمی یئله.

                              ائله بئله،

شیشجک قارنین آجیندان.

      چیخاجاق توققاناغین.

                      قول قانادین دوشه جکدیر یانینا.

                      دئی اونا دئی بونا،

                      کیم دوشونه، کیمدی قانا؟!

باشی داش، گؤزو یاش

  هارانین کولون الیییم دئیه جکسن باشیما.

زیرنا قاوال چالیناجاق.

              اویناماغین توکوله جک قاب قاشیغا؛

              ایچمه میشدن دئیه جکلر کئفله نیبدیر.

قوهوم قارداش یاد اولاجاق.

         سندن بلکه بیر میثقال جا آد اولاجاق؟

بونو بیل کی،اوندا منده

سنی هئچ واخت سئومه میشم دئیه جیم.

گوی نه گونه قالمیشام کی

                 بودا به ینمیری منی.

                                     :دئیه جکسن.

هه ییف اولسون سنه،

                      عسگر اؤلدو.

                                :دییه جه یم.

شوبــــــــــــــــــــــــــــه

آرادیم- آرادیم.

         آختاردیم- آختاردیم.

تاپدیم؛

        تاپدیم دئدیم:

شوبــــــــــــــــــــــــــــه.

سوس!

 
 

سوس !

    سیس!

و هر نه دئمکدن چکین.

بو مملکتین آداملاری خسته خانلاردا یاشاییبلار.

الجک

سئوگیلیم

منه الجک توخویورسان

       سوزوم یوخ

             آنجاق

دیرناقلاری چکیلمیش بارماقلاریمی

              اونوتما!

سیجیللی

 
 

زاغار - زاغار

     باخما منه

قبیر داشینیندا سیجیللیسی وار