M e s u d H a r a y
Mesud Haray-In Özel WebsitesiM e s u d H a r a y
Mesud Haray-In Özel Websitesiمن اوتای / سن بوتای
سن کیم؟!
من کیم؟!
آرامیز دورد آراز
آراز آییراجاغیمیز اولسون.
سن اوتای
من بو تای
یادا
من اوتای
سن بو تای
نه فرقی اوزونو یان توتورسان
آیریلیقدی.
ده ده مین ده ده سیده دانیشدیرمادی ده ده سین
آییریلدی ده ده سی ده ده مدن
اوندا
آراز آییردی ده ده می ده ده مدن
منی سندن
سنی مندن
منی مندن
سنی سندن
۱۲/۱۱/۲۰۰۶
اولان فاشو!
فتولاریمی یاندیرما!
یازیقی لاریمیدا
قاداقلاماقلا!
قاندیرما منی.
سن!
باشدان- دیرناغا منی یاندیرساندا بئله
دوشوندویومو دوشونه جکلر هامی
اوزگورولویوموز،
بیز
یانا- یانا ایشیقلانار
کیملییمیز،
بیز
سیزین کیمی دئییلیکده اولار.
اولان فاشو!
سن بولاندیردیغین سولار
گئت –گئده دوپ دورولار.
سنه گلیرم وطن
داها بویوکلوکلره شعیر لنمه یه جه یم
قاف داغینا چیخماغیما دا...
ان کیچیک،
اینجه بارماغیمی توتوب سنه ساری
گوسترگه بارماغیمیدا سنه ساری توتورام
سنه گلیرم وطن.
اولا بوزقوردوم اولا
اولا بوزقوردوم اولا؛
اولا سن،
اوْد نفسین داغلارا دوشسون.
تیترسین یئر؛
بو اومودسوز گئجه نین سون ایشیغیندا،
یئر گویه، ولوه له دوشسون.
هایدی بوزقوردوم اولا
چک حقارت اته یین دارماداغین سال؛
چیینه یالتاقلیق ائدن دیللری سن.
بوردا تولکو،
بوردا ایت،
بوردا چاققال بالالیر.
بوردا تورکم دییه نی،
فارس دالاییر.
هایدی بوزقوردوم اولا
بوردا حسرت گئجه نین سوْن چیراغی،
سؤنمه میشدن سن اولا.
مرد ایگیدلر یاتیب آنجاق
قوْی آییلا،
گؤره نامرد گؤزون خور باخاراق ناموسونا؛
گؤره بیر میلتینین طالعینی
اولا بوزقوردوم اولا
مئشه لر بیرده آییلسین؛
تئشه لر بیرده اتیلسین
داغلارین کوکسونه باس سن هارایی،
پاتلاسین نیفرته دولموش اوره یی.
اؤزگه لر دامغاسینی،
گؤرمه سینلر به به لر؛
ده ده لر بیرده آییلسا،
هه ده لر.
بوردا اوزگورلویو سسله ینین،
بوغولوبدور هارایی؛
داغیلیبدیر اوره یی؛
آلینیبدیر چوره یی؛
دیکیلیبدیر دوداغی؛
سارالیبدیر بوداغی.
اولا بوزقوردوم اولا؛
الی تیترر،
آلنی تر،
یئتر آخر بو حقارت.
منی آل کوکسونه باخ گؤزلریمه
منی دیندیر او جسارت باخاراق مرد ایگید گؤزلرینه
اولا بوزقوردوم اولا؛
اوْلارام منده سنین تک.
اولارام منده سنین تک.
آ…….….……...و.………….…..ع.
الیمده اولسایدی
الیمده اولسایدی سوساردیم آرتیق
دینمزدیم بویله
دینمزدیمده
یالنیز هیچقیریقلی باشیمی دووارلارا چالاردیم
بوینومو اپه دارا چکردیم
الیمده اولسایدی دوراردیم آرتیق
قورد اوره ییمی چئینه یردیم دیشیمده
قبیر داشیمی اوز الیمله قازمازدیم بویله
الیمده اولسایدی باش آلیب گئدیردیم بوردان
یادا ادول اوچون فارسجا یازاردیم آنجاق
اولمادی الیمده آرتیق
بو اوره ییم سنین دوستوم
گوتور الی قولوباغلی آپار بونو
آیاقلارینی کس
دوداقلارینی تیک
دیلینی باغلا
نئدن یئنه ده دانیشاجاق دردینی
ایسترسن ده آیاقسیزلیقیلا لزگی اوینایار سنه
یاخود اولایاجاق بیر بوز قورد کیمی.
آتلار هورکودو (بهرنگی-یه داییر)
آتلار هورکودو
دنیزلر سوسدو
قارتاللا یووالاندی
آنجاق
بیر کیمسه دینمه دی
دینه نمدی…
آتلارا میندیلر
سوردولر
سوروندوردولر
آرازدا بوغدولار
دایازدا بوغدوردولار
و بیر کیمسه دینمه دی
دینه نمه دی
دوستوم!
ایندیسه قوردلار
ایته اوخشایان،
خورناز پیشیکلر کیمی دیرلر.
شاعیر
دوداقلاریندا بوغولان، سیغارا توستوسو
گؤزلویو دومانلی، گؤزو چیسگین
بیر شاعیر اولموشوم.
دئدیلر: آدین؟
دئدی: فیلان
گؤزلویونون شوشه لرینی سیلیبده آنجاق،
اوچ نفر بیغی بورما
الی ماشادا
شاعیر اونلاری گؤرمه یی گؤزله ییردیلر.
اوزگورلوک
من آرزیلار یئلکه نییم؛
ده نیز باغریندا، دالغالار قوجاغیندا،
لایلایارام.
قوجامان داغلارین داشییام
باشیما قار یاغماسا،
کؤکسومده بوْز قورد اولاماسا
بوغولارام.
من آرزیلار یئلکه نییم؛
اؤزگورلویه ساری یئل اسمه سده،
دالغالار سوساسادا،
بوزقوردلار اولاماسادا،
اؤزوم اولاییب،
ده لی لر کیمی ده نیزه باتاجایام؛
اؤزگورلویه چاتاجایام.
خییاو دوست..آغی
اؤزومو سئودیییم قده ر،
من سنی سئومیشم وطن.
تانری دییه اوندان بتر،
من سنی سئومیشم وطن.
یارپاقلارا، بوداقلارا،
گئتمه رم من اوزاقلارا،
من سنی سئومیشم وطن.
***
کونلوم قوشون اوچوردما دای،
جانیمداسان گل ائتمه زای،
بایراغیندا اولدوزلا آی،
من سنی سئومیشم وطن.
آند ایچیرم بایراغینا،
اوره یینده کی یاغینا،
باش قویارام آیاغینا،
من سنی سئومیشم وطن.
من سنی سئودیییم قدر،
عومروم داها اولماز هدر،
سندن دوغار هم ایگید، ار،
من سنی سئومیشم وطن.
آدیم *هارای* سنه قوربان؛
شرافتیم سندن نیشان؛
وطن منه ـ منه اینان؛
من سنی سئومیشم وطن.
قارغا
باخیشلارینادا اسیرگمه دیلر
اؤلومونون گؤزونه دیک باخا-باخا
ایشیقلیغی گؤرمه دئدیلر
او گوندن بری
داها اؤتمه دی
اوخومادی
گولمه دی
آخی
او قارا قیشین باغریندا
چیسگین لییین قوجاغیندا
او قارا بیر قارغا اولموشدو.
دوستاق
بوراسی دوستاقدیر ایگیدلر هاردا؟
دوشوندوم یاواشجا من اؤزلویومو.
اللریم کلبچه گوزلریم باغلی
سیندیردی یالتاقلار جان گؤزلویومو.
گله جک بیر داها وطن اوغروندا
ایگیدلر ال-اله،جان-جانا وئره.
وطنین ناموس تک قورویوب یئنه،
اوغروندا جانینی جانانا وئره.
هایدی بو شرفسیز فارس کوپکلری
هورویور جانیما قانیمی سورسون.
سن یئنه یاتیبسان دویغولاریندا
ایسته ییر اوزگورلوک آیاغین یورسون
بوراسی دوستاقدیر، اؤلوم چیرپینیر
یاشاییر بورادا کونول یاراسی
منده مین دن بیر ار،آزربایجانین
خان چوبانی،سنده آراز ساراسی
***
سئوگیلیم اونوتما وطن بیزیمدیر
اوندا یاشایاجاق اوزگورلوک سؤزو
سن ایله ال-اله یاشاداجاییق
بیر ایشیق باخیشلی ماویلیک گؤزو
اوسانما دئمه کی دوستاقداییق بیز
اوره یی دوستاقدا ،اوزو دوستاقدا
سنین ده اوره یین، منیم ده جانیم
واریکن یارانیب سؤزو دوستاقدا
من وطن دوستاغین وطن بیلیره م
نامردلر الینده یارالانمیشام.
بیر ایشیق باخیشلی،گونش گؤزلویم
یالتاقلار الیله قارالانمیشلام .
قوربت
قوربت دئیه هیچقیریقدیم.
بیر موسلوق کیمی داملاتدین ایچیمه.
ده لدیردین اوره ییمی
گؤزلریم سنی موسلوق کیمی
داملادی قارا تورپاغا.
خییاوانلار اوزانیشدی
هونکوروکدوم،
کیریخدیم اؤزومو.
آرابالار فیشقادی.
بکچیلر هویلادی.
سومسوک ایتلر اولادی،
منی گؤرنده سنسیز.
اوواند اولمادی اینیمه کوینه ییم.
یابانجی دییه اوز مملکتیمده
اوشودوم ایستیدن.
یاندیم سازاقدان.
منه بیر گؤزگو گتیرین؛
سئوگیمی گؤرمک ایسته ییرم اؤزومده.
اونا دونموش اولسایدیم؛
اوتوراردیم صندلیمده.
دوستاق
من یورقونام یولداشلار
دووارلاری باشیما دولاندیغیمدان
دووار ـ دووار
هر نه وار
من یورقونوم و سیز
و سیز منیم دونیامداسینیز
و منیم دونیام
بوتون
یاریمچیلیق
بوش
دوستاقدایام سئوگیلیم
اللرینی گوزلرینین یاخینلیغینا توت
پارتلایاجاق بومبالار
قاماشیدیراجاق قارقیشلی گوزلری
من
بونو بیلدییمه دوستاقدایام سئوگیلیم.
جنگی کوراوغلو
ساواش
"جنگی کوراوغلو"
اوزگورلویه ساواشماق دوغرو
دوغراناجاییق داغراماساق بئله
"یانیق کرمی"
یانمیش اورکلریمیزین دمی
توستوسو
"تورپک اوتو"نا معروض بیر زمی
"قاراباغ شیکسته سی"
قارا باغریمیزین قانامیش گوزگو نفسی
"اوزان عاریف "ین سسی
"موسلوم ماقایوف"ون شیکسته سی
ده دم قورقودون ده دسی
"اسماییل لاچین" ین هر نمه نه سی