اودون باشیندا اوتورموشدوق
وطن دردینی دوداقلاریمیزدا
اوتقونوردوق
اود کیمی آلیشیردی ایچیمیز
بیز ایکیمیز
هاوا قورقوشوم آغیرلیغیندان آغیر
دومان،
گوزلریمیزه چیسیب دونموشدو
بیر بیرینه چارپیردی دیشلریمیز
بیز ایکیمیز
اوره یی آغیرماسین دئیه
آغلاییردی ایچی
شعیر آلیشدیر ایچیمده دئدی:
شعیر آلیشیردی ایچیمیزده
بیز ایکیمیزده
بذ قالاسینین اته یینده
یورقون آیاقلاریمیزین ایزی
قاناییر ایندیده
بیز ایکیمیزده
تانری رحت ائله سین
سنینده الین آغیرماسین