تناقض

اولمه سمده قدردن، بو درد منی اولدورور

آیری دوشدوم من یاردان، هله کی اینانمیرام.

ائللر دئییر یار گئتدی، یئنه سن یالقیز اولدون

بو سوزلری ائشیتیب، دوشونوب، قانانمیرام.

دونیا بویو آغلارام، دنیز کیمی طوفانلی

مین ایل سورسه قالارام، یئنه عشقه نیشانلی

نیگاریم گاسه گورسه، اوره یی اودلو قانلی

یاتار دورماز بو درده، دئییر کی اویانمیرام.

گئدر اولدو نیگاریم ادل ایچیندن غوربته

هئچ بیلمه دی دیغلارام، دوزه بیلمم حسرته

او اولدو ایتگین، سورگون، چاتمادی سعادته

خوشبخت اولسایدی باری، دئییردیم کی یانمیرام.

سولغون کونول قوی یانسین، ایلقاریما اینانسین

بو قارا باسما ایله، قوی یوخودان اویانسین

بیلسین بئله دیر دونیا، بئله لیکه یارانسین

یانان عشقین اودونا دئییر کی یوخ! یانمیرام.

"مسعود" دئییر یار عشقی، بالدیر من اونا آری

دونیا لذتلریله  سئوگیدیر یاری – یاری

سئوگی پیلله لریله یوکسه لرسن یوخاری

بو عشقین اول سوزو، دئییه سن، اوسانمیرام.

02/04/1376