بوراسی اورمو

بوراسی اورمو

تپ-تمیز بیر دویغو

دویدوغون، دویمادیغین بو

بوراسی کلفچه میزی پوزوراسی

بوراسی اوزگه دیلینده تانیشلیق

بیر آزی آرزی

بیر آزی دنیز

سئوگی باشیندا لئچک

لکه، گاوور، قورو

بوراسی اورمو

قوجامان چینار

بوداقلی، یاپراقلی

مییی ایچینده گزیشدیرن آغاج.

دارماداغیم کونول

آغی

بایاتی

بو قاتی

اورمونون دنیزی وار

دنیزده قان ایزی وار

قیزلارینین آلنیندا

قاراباغ بئنیزی وار.

او قاتی

داغلارین لالاسییام

بابکین قالاسییام

اورمولو دئمه منه

قاراباغ بالاسییام.