*** منی باغیشلا قارداش! جهانی فیکیرله شه بیلمیرم ***

فرهنگ معلیم یازیر کی :

http://www.farhangvarz.blogfa.com

مسعود هارای جان
من باشا دوشن مه دیم کی ظالیم کیمدی و کیمسه یه ظولوم اونوب ؟ نه ده ن ظولوم اونوب ؟ چون تورکی دیلی رسمی بیر دیل اولماییب ؟ سیز اونی بیر ظلم سانیسیز ؟ سیز دوشونجه لی بیر انسان سیز ، نه ده ن بئله فیکیر ائدیسیز ؟ من اوز وبلاگیمدا ایسته میرم کی سیاسی بیر فیکیر یئر ائله سین . ائله اونا گوره مجبور اولدوم فکریزی سانسور ائده م .
مسعود خان .منیم باخیشیما گوره سیزین باخیشیز پان باخیشیدی و من اصلا پان فکرین قبول ائدمیرم ، نیه کی پان یعنی انحصار طلبی بخصوص بیزیم دیلین پانی کی او بئشعور اوشاغلار کیمی کی اوینایاندا سوروشار : من کیمده نم ولی سوروشا بیلمز کی کیم مندن دی !
مسعود جان من هئچ کسده ن قوخمامیشام و قوخمارام استفر الله هئچ اللهدان دا قورخوم یوخدی نیه کی اول بیر قورخولو الله دئییل و من اگر قورخسایدیم همیشه شرعی وظایفیمده کم گتیرمزدیم .
من سیزین فکریزی قبول ائله میرم و ائله اونا گورا سانسور ائله دیم . لطف ائله یین اوز شعرلریزده ن منه گونده رین گرچه اونلاردا سیزین فکریزده ن باش وئریر ولی من چوخ مشتاقام غزل لریزی اوخویام .
منیم پیشنهادیم بودو کی محلی فکر ائله مه یین . باخیشیز جهانی و ملی بیر باخیش اولسون . نیه کی سیزین وبلاگیزی دونیانین باشاباشیندا گوره بیلر لر . بیرده بوکی اوز وبلاگیزی ساماندهی سایتیندا ثبت ائله یین .
سیزین گوزه ل غزل لریزه منتظرم .

----------------------------------------------------

قارداشیم!

سن منیم فیکریمی سانسور ائله ییرسن و سونرا سانسور اولونموش فیکریمی جوابلاییرسان.

اگر منیم فیکریم سیزی راحاتسیز ائدیر،اونو جوابلاماق سیزه یاراماز.

دوغرودور کی سیز تانریدان قورخمورسوز. منده اونا اینانیرام. چونکو سیز گئرچکلردن قورخورسونوز.کئشکه تانرینی دا  گئرچکدن تانیا بیلسه یدینیز.

یازمیشدینیز: "من اوز وبلاگیمدا ایسته میرم  کی سیاسی بیر فیکیر  یئر ائله سین . ائله اونا گوره  مجبور اولدوم  فکریزی سانسور ائده م "

نقد منجه سوزون، فیکرین ایچ لایه لرینین کوکوندن آراشدیرماغیدیر. جامعه ده گئدن گئدیشات اساسیندا یارانان فیکیرلر ه گرکرکیر کی جامعه آچیسیندا آچیقلانسینلار. سیز حوکومتی، آنا یاسانی و سیاسی گئدیشاتی بیلمه دن و یا اونلاری بیر قیراغا قویماقلا آصلا منی و منیم فیکریمی و یا شعریمی نقد ائده بیلمه یه جکسینیز.

یازیبسینیز: "من سیزین فکریزی قبول ائله میرم  و ائله اونا گورا سانسور ائله دیم "

بو فیکیر دیکتاتورلارین دوشونجه سیدیر. اینانماسانیزسا یاخین یولداشلارینیزدان بیریندن سوروشون.

یازیرسینیز: " اوز شعرلریزده ن  منه گونده رین  گرچه اونلاردا  سیزین فکریزده ن باش وئریر"

شعیر کی شاعیرینین قیکریندن باش وئرمه سه کی اوغورلوقدور. سیز فیکیر ائدیرسیز کی هامی سیزین کیمی اولسا و شعیرلر سیز ایسته دیینیز کیمی کی اوندا نه قدر گول اولاردی.!!!

دوزدو قارداش!  منیمده گاهدان آغلیم چاشاندا هامی منیم کیمی اولوسن دئییرم. آما تاسفله هئچ زامان بئله اولمایاجاقدیر.

یازیرسینیز: "منیم پیشنهادیم بودو کی محلی فکر ائله مه یین . باخیشیز  جهانی و ملی بیر باخیش اولسون نیه کی سیزین  وبلاگیزی دونیانین باشاباشیندا گوره بیلر لر "

منی باغیشلا  قارداش، جهانی فیکیرله شه بیلمیرم. چونکو من بیر آزربایجان تورکویم. یانی بو میلتین او قدر دردلری وار کی ساغالماییر و  دیکه لیب داغ اولوب کی  اونلارین ذیروه سینه چیخماق ائورست داغینا چیخماقدان مین قات چتیندیر.

قوی دونیانین باشا باشیندا بیلسینلر کی بیر آزربایجانلی میللی غورورونو ،میللتینی، دیلینی و سئودییی تورپاغینین بیر آووجونو دونیاایله دئییشمز.

قوی دونیانین باشا باشیندا بیلسینلر کی وطن سئوگیسی ان بویوک سئوگیلردندیر.

قوی بیلسینلر کی ایران حاکمییتی ظولمو آلتیندا یاشایان  میللتلر وار و اونلارین بیری آزربایجان تورک میللتی دیر.

قوی دونیانین باشا باشیندا بیلسینلر کی مسعود هارای بئله فیکیرله شیر. و بئله میلتینین دردینی شعره گئتیریر.