دوداقلاریندا بوغولان، سیغارا توستوسو
گؤزلویو دومانلی، گؤزو چیسگین
بیر شاعیر اولموشوم.
دئدیلر: آدین؟
دئدی: فیلان
گؤزلویونون شوشه لرینی سیلیبده آنجاق،
اوچ نفر بیغی بورما
الی ماشادا
شاعیر اونلاری گؤرمه یی گؤزله ییردیلر.
اونون ماوی خزره بنزر گؤزلرینده
سیلیت- سیلیت باخیشلار،
آغلاییردیلار.
سوردوم نه اولوب دئی؟
دئدیلر:
بیر آخشام شاعیرین گؤزونون اونونده
چیراغی بوغدولار.
من آرزیلار یئلکه نییم؛
ده نیز باغریندا، دالغالار قوجاغیندا،
لایلایارام.
قوجامان داغلارین داشییام
باشیما قار یاغماسا،
کؤکسومده بوْز قورد اولاماسا
بوغولارام.
من آرزیلار یئلکه نییم؛
اؤزگورلویه ساری یئل اسمه سده،
دالغالار سوساسادا،
بوزقوردلار اولاماسادا،
اؤزوم اولاییب،
ده لی لر کیمی ده نیزه باتاجایام؛
اؤزگورلویه چاتاجایام.
گول وارکی آدا دوشر
مئیوه وار دادا دوشر
"اورمو"دا دولاناندا
"قاراباغ" یادا دوشر
"اورمو"نون دنیزی وار
دنیزده قان ایزی وار
قیزلارینین آلنیندا
"قاراباغ" بنیزی وار
"اورمو"دان "خویا"گلم
چاغیرسان تویا گلم.
"قاراباغ" یئلی اسیر
بیلمیرم قویا گلم.
داغلارین لالاسی یام
"بابک"-ین قالاسی یام
"اورمو"لو دئمه منه
قاراباغ بالاسیام.
اؤزومو سئودیییم قده ر،
من سنی سئومیشم وطن.
تانری دییه اوندان بتر،
من سنی سئومیشم وطن.
یارپاقلارا، بوداقلارا،
گئتمه رم من اوزاقلارا،
من سنی سئومیشم وطن.
***
کونلوم قوشون اوچوردما دای،
جانیمداسان گل ائتمه زای،
بایراغیندا اولدوزلا آی،
من سنی سئومیشم وطن.
آند ایچیرم بایراغینا،
اوره یینده کی یاغینا،
باش قویارام آیاغینا،
من سنی سئومیشم وطن.
من سنی سئودیییم قدر،
عومروم داها اولماز هدر،
سندن دوغار هم ایگید، ار،
من سنی سئومیشم وطن.
آدیم *هارای* سنه قوربان؛
شرافتیم سندن نیشان؛
وطن منه ـ منه اینان؛
من سنی سئومیشم وطن.
باخیشلارینادا اسیرگمه دیلر
اؤلومونون گؤزونه دیک باخا-باخا
ایشیقلیغی گؤرمه دئدیلر
او گوندن بری
داها اؤتمه دی
اوخومادی
گولمه دی
آخی
او قارا قیشین باغریندا
چیسگین لییین قوجاغیندا
او قارا بیر قارغا اولموشدو.
بوراسی دوستاقدیر ایگیدلر هاردا؟
دوشوندوم یاواشجا من اؤزلویومو.
اللریم کلبچه گوزلریم باغلی
سیندیردی یالتاقلار جان گؤزلویومو.
گله جک بیر داها وطن اوغروندا
ایگیدلر ال-اله،جان-جانا وئره.
وطنین ناموس تک قورویوب یئنه،
اوغروندا جانینی جانانا وئره.
هایدی بو شرفسیز فارس کوپکلری
هورویور جانیما قانیمی سورسون.
سن یئنه یاتیبسان دویغولاریندا
ایسته ییر اوزگورلوک آیاغین یورسون
بوراسی دوستاقدیر، اؤلوم چیرپینیر
یاشاییر بورادا کونول یاراسی
منده مین دن بیر ار،آزربایجانین
خان چوبانی،سنده آراز ساراسی
***
سئوگیلیم اونوتما وطن بیزیمدیر
اوندا یاشایاجاق اوزگورلوک سؤزو
سن ایله ال-اله یاشاداجاییق
بیر ایشیق باخیشلی ماویلیک گؤزو
اوسانما دئمه کی دوستاقداییق بیز
اوره یی دوستاقدا ،اوزو دوستاقدا
سنین ده اوره یین، منیم ده جانیم
واریکن یارانیب سؤزو دوستاقدا
من وطن دوستاغین وطن بیلیره م
نامردلر الینده یارالانمیشام.
بیر ایشیق باخیشلی،گونش گؤزلویم
یالتاقلار الیله قارالانمیشلام .
گؤزلریمیزی،
یوخویا اویدوردولار.
قولاقلاریمیزی
یئله
و سن امکداشیم،
دیلینی دیشله ین گوندن،
لال اولوبسان.
گؤزلری وولقان پارتلاییشینی گؤزله ییردی
دوداقلاریندا نیفرت چالخالانیردی
و اوره یینده
بیر اورمان جا، شله لنمیش اوجاق یانیردی
تیتره مه دی
اسمه دی
آنجاق اؤلدو
اؤلوموندن سونرا من
گؤزلرینی اوپدوم
دوداقلارینی دیشله دیم
و اوره یینده
ابدیلیک یاشادیم
قوربت دئیه هیچقیریقدیم.
بیر موسلوق کیمی داملاتدین ایچیمه.
ده لدیردین اوره ییمی
گؤزلریم سنی موسلوق کیمی
داملادی قارا تورپاغا.
خییاوانلار اوزانیشدی
هونکوروکدوم،
کیریخدیم اؤزومو.
آرابالار فیشقادی.
بکچیلر هویلادی.
سومسوک ایتلر اولادی،
منی گؤرنده سنسیز.
اوواند اولمادی اینیمه کوینه ییم.
یابانجی دییه اوز مملکتیمده
اوشودوم ایستیدن.
یاندیم سازاقدان.
منه بیر گؤزگو گتیرین؛
سئوگیمی گؤرمک ایسته ییرم اؤزومده.
اونا دونموش اولسایدیم؛
اوتوراردیم صندلیمده.
گؤزلری وولقان پارتلاییشینی گؤزله ییردی
دوداقلاریندا نیفرت چالخالانیردی
و اوره یینده
بیر اورمان جا، شله لنمیش اوجاق یانیردی
تیتره مه دی
اسمه دی
آنجاق اؤلدو
اؤلوموندن سونرا من
گؤزلرینی اوپدوم
دوداقلارینی دیشله دیم
و اوره یینده
ابدیلیک یاشادیم.
ایچیمده بیر حسرت یاشاییر
سنین کیمی
کوکسومه آیاق قویمادان
تاخیل بئینیمه
ای یاشیلیغین یانغینی
بو تارلا سنین
یا بیچ یا یاندیر
بو پئنجره نین دالیندا پوشه لنمیش یارپاقلار
سنین کیمی سولورلار
ان کیچیک بارماغیمدا سنه باخیر
و گولور
هیرسدن آلوو قالخا کاش
یاندیرا
منی
بارماقلاریمی
و....
وطن دییه یار دئدیم؛
اوْنسوز منه عار دئدیم.
وطن دئدیم،
وار دئدیم.
هارای اوْیار الیندن ؛
اوْ قارا گؤزلریندن.
گولوشومده چیچکدیر
آنامدیر،
آغ بیرچکدیر.
گولومدیر،
چیلچیلکدیر.
هارای اوْ یار الیندن؛
اوْ قارا گؤزلریندن.
آغلایاندا گؤزمدور؛
دیلیم یانار سؤزمدور.
من من اولسام،
اؤزومدور.
هارای اوْ یار الیندن؛
اوْ قارا گؤزلریندن.
من اونا کیم،
دئمه دیم.
قیزیل یا سیم،
دئمه دیم.
سنسن دردیم،
دئمه دیم.
هارای اوْ یار الیندن
اوْ قارا گؤزلریندن
بولبول منم،
گولوم سن.
آغلاما سن،
گولومسن.
بولبولوم سن،
گولوم سن.
هارای اوْ یار الیندن
اوْ قارا گؤزلریندن
گئدر گؤزومدن آغیم؛
سنسیز سولار بوداغیم؛
ساپ سارالار یاناغیم.
هارای اوْ یار الیندن؛
اوْ قارا گؤزلریندن.
وطن آدیم،
سنسن می؟
من سن یادا،
سن من می؟
ایکیمیز بیر،
بدن می؟
هارای اوْ یار الیندن
اوْ قارا گؤزلریندن.
سوسدوراجاقلار شعیرلرینی
سنی
ایناندیراجاقلار، اینانمادیقلارینیدا
آما سن
اؤزلویوندن باشقا قوسا بیلمه یه جکسن.
اوره یین بولانماسین
گیجه للنمکدن اؤزلرینی تاپا بیلمه ین اینسانلار
قوسوب
یالاییب
یاشاییبلار
آنجاق سن بو سئودانی
اوره یینده ساخلا.
سنسیز تومورجوقلانمیش آرزیلاریم
بوینو بوکوک
ده ده سیز بیر اوشاق کیمی
سیرتیلاجاق کوچه بازاردا اوزلری
آرا بیر آزاجاقلار تموز گئجه سینده سویوقدان
قیوریلیب پوشلنه جکلر
سنسیز عوصیانا چارپان دیشلریم
قودلاناجاقلار
قورخودان قوخاجاق ایچلری
بویور
گئدیرسن اوزاقلارا گئت
عوصیانکارا الوداع دئمزلر
سنسیز سالاما ترپنن قولاقلاریم
دولورلار هوی هویا
قوی بو فلاکت یاغمورو آلتیندا
یالنیز من ایسلانیم.
گلیشه جک بیر گون یالنیز
بو شعیرلر
آخشام چاغیندا
من یورقونام یولداشلار
دووارلاری باشیما دولاندیغیمدان
دووار ـ دووار
هر نه وار
من یورقونوم و سیز
و سیز منیم دونیامداسینیز
و منیم دونیام
بوتون
یاریمچیلیق
بوش
اؤلوم اؤلوسو
و قزئتلرده یایلان
گؤز قیرپیمیندا یئرلشن جه دیریلیک.
بیز دئییریک
سیز دئییرسینیز
و اونلار
دیشلرینی قیچیردامیش؛
یوزمین یوز،
اونلار.
بیر گون اؤلوم گیره ر جانیما
و سن
حسرتلی قاپالی گؤزلریمین اؤنونده
دورارسان یالنیزجاسینا
اوندا حیاتیم قده ر آجییارسان سنده
دوشلریندن سود آخار
گؤزلریندن قان
ساچینی یولارسان.
منده نیفرت شرابینی ایچیب
کئفلیلر کیمی اولاشارام سنه.
اوندا بیلرسن
آللاهین اؤلوب
اوندا بیلرسن،
منی
گئت گوزومون اونوندن اولمه میشدن اونجه
سنی دای بیلمه سین، بو سرسفیل باخیشلار.
ده لییم زیر ده لی دیین دوداقلار.
یومروغا دونموش بارماقلار.
گولوم دییه جکدیم سنه
دییلیم بوروشدو
سارام دییه جکدیم
سئللره قوووشدو.
بو تومورجوقلانمیش کؤکسومده کی چیچکلر
پوشله نیب نیفرت اودونا
هادی! دیله گل
چاغیر آمبولانس لاری
اولاسینلار چاققال کیمی جنده ییمه
داراشسینلار قلبیمه
سورسونلار نفسیمی
بسله ییجی لره آدیمی آللاه دئی
قوی سنین کیمی باغریلاری چاتلاسین
آدیمی یازاندا داشا
سیز اؤلولره یاشام دییه
اؤزومه اؤلوم یاراتمامیشام
تییاترا قویموشدوم سیزی
تییاترین سونو
اؤلولره اؤلومده بیتر.
بو دنیزدن دوغولاجاق آتلار
دیرناقلاری شیشه
گوزلری گوی ماوی
آلینلاریندا سب- سرین حیات
سوروجولرین دوداغیندا هارای
باغیراجاقلار منی
دنیزده دیر درینلیییمیز
چاغیراجاقلار سنی
اوزوموزده دیر اوزوموز
داغلار
وولقان کیمی
قان- قان دئیه
پارتلایاجاقلار ایچلریندن
یاناجاق ایچیمیز ایچیمیزدن.
ایسیندیر اللریمیزی گونش!
کیریمیشیق ایکیمیزده
سوپ- سویوق کونوللریمیز
گوزلریمیز بیر – بیریمیزین
دالیندا آسیلی
دالبادال قاداقلایان یاسالار
سنی
منی
بیزی
قاداقلایاجاقدیر.
حیات!
باشلانمادی دئمک
باشلانمایاجاق بئله
بو گوزله ییشین سونوجو
تانریمیزین گوزلرینین سوکولوشودور.
تکجه اولوم
آرزیلاریمین بیچیمینده
تکجه سن
کونلومون ایچینده
اونوتما بو آنیلار سوره سینده
آیریلمایاجاقلاریمیز وار
اولوم بیر حیات باغیشلاناجاغی
و سن
ومن سندن ایجیمه دن ده
اولوم آرزیلاریمین بیچیمینده .
بو گون دوغوم گونوم
یارین یاشام
سیراغا گون دوغولمامیشیم آنی
یئنه ده اولوم
آرزیلاریمین بیچیمینده
یئنه ده سن
کونلومون ایچینده
گئتدین!
گلمه یینجه آخشامجیکلار
بویویه جک آرتیق
قارانلیق!
قارا اورتویون اورتور اوستوموزه
سن گئتدین!
گئدیشیندن چوخ اوزون زامان گئچدی
گلمه دین
جـــــــــــــهـــــــــــــــنــــــــــمــــــــــه.
اللرینی گوزلرینین یاخینلیغینا توت
پارتلایاجاق بومبالار
قاماشیدیراجاق قارقیشلی گوزلری
من
بونو بیلدییمه دوستاقدایام سئوگیلیم.
خوروزلاری
دان سوکولنده اولدورسلر بئله
من
وطن ایکی یه بولوننده
اولموشدوم.
نه وارلیق
نه یوخلوق
نه سنلیک
نه سنسیزلیک
فرقینده اولمادیغیمدیر
اولورسا
وار اولدوغوندا
منسیزلیکلرین فرقینده اولما سنده.
ساواش
"جنگی کوراوغلو"
اوزگورلویه ساواشماق دوغرو
دوغراناجاییق داغراماساق بئله
"یانیق کرمی"
یانمیش اورکلریمیزین دمی
توستوسو
"تورپک اوتو"نا معروض بیر زمی
"قاراباغ شیکسته سی"
قارا باغریمیزین قانامیش گوزگو نفسی
"اوزان عاریف "ین سسی
"موسلوم ماقایوف"ون شیکسته سی
ده دم قورقودون ده دسی
"اسماییل لاچین" ین هر نمه نه سی
یورومک
دوغرودان گئتمک
آیاقلاریمیزی یئره سورتمه دن
دیک- دیک
آرابالارا مینمه یه جییک
ایله نجه لره ایلنمه دن
سیلاحلاناجاییک جیب پارامیزا
داها سینمالاردا ساواش کینولاری تماشاسیز قالاجاق
داها بو دوش دئییل
دویوشدو
سیلاحدی
بومبادی
پارتلایاجاق